Supper news 24

•   वाल्मिकी समाज सभागृह निर्मितीमुळे वचनपूर्तीचा आनंद •   आमदार साजिद खान पठाण यांचे प्रतिपादन  अकोला :  माझ्या राजकीय जडणघडणीत अठरापगड जातीधर्माच्या मंडळीचा मोलाचा वाटा असून त्यांच्यामुळेच मी आज इथपर्यंतचा माझा राजकीय प्रवास करू शकलो. त्यात भरीस भर म्हणून वाल्मिकी समाजबांधवांनी प्रत्येक वळणावर मला निरपेक्ष मदत केली. अकोला महानगरपालिकेचा विरोधीपक्षनेता असतांना वाल्मिकी समाजबांधवांशी जुळलेले ऋणानुबंध उत्तरोत्तर दृढ होत गेले. आज अकोला पश्चिम विधानसभा मतदारसंघाचा आमदार म्हणून वाल्मिकी समाज सभागृहाचे उदघाटन करतांना वचनपूर्तीचा आनंद माझ्या मनात ओसंडून वाहत आहे असे भावनिक प्रतिपादन आमदार साजिद खान पठाण यांनी केले.  प्रभाग क्र. 07 मधील विजय नगर, तारफैल, अकोला येथे अकोला पश्चिमचे आमदार साजिद खान पठाण यांच्या हस्ते वाल्मिकी समाज सभागृहाचे उद्घाटन सोमवारी उत्साहात पार पडले. प्रभाग क्र. 07 मधील विजय नगर, तारफैल, अकोला येथे वाल्मीकि समाजासाठी सभागृह नसल्याने सदर समाजातील नागरिकांना त्यांचे कार्यक्रम साजरे करण्यासाठी मोठी अडचण निर्माण व्हायची.  साजिद खान पठाण...

 •   गरीब वस्तीत राहणाऱ्या पल्लवीची उंच भरारी   •  आयएएस परीक्षेत सुयश प्राप्त अकोला : अमरावतीच्या  राष्ट्रीय महामार्ग क्रमांक सहावर गरीब वस्तीत राहणारी कु. पल्लवी देविदास चिंचखेडे ही मुलगी युपीएससीची आयएएस ही परीक्षा पास झाली आहे. तिचे वडील घराला रंगकाम देण्याचे काम करतात. तर तिची आई मशीनवर शिलाई काम करते. कुमारी पल्लवी ही अमरावती कॅम्प विभागातील बिच्छू टेकडी चपराशी पुरा या स्लम एरियामध्ये राहते.        बिच्छू टेकडीतून पाहणाऱ्या नाल्याच्या काठावर तिचे घर आहे. एवढ्या आधुनिक काळातही तिच्या घराला जायला अद्यापही रस्ता नाही आहे.  ती जेव्हा सातव्या वर्गात होती तेव्हा मिशन आयएएस अमरावती या संस्थेने आयोजित केलेल्या सुप्रसिद्ध आयएएस अधिकारी श्री तुकाराम मुंढे यांच्या अमरावतीच्या श्री संत ज्ञानेश्वर सांस्कृतिक भवन अमरावती येथे आयोजित करण्यात आलेल्या स्पर्धा परीक्षा कार्यशाळेसाठी ती गेली होती.        तिचे वडील तिला या कार्यशाळेला घेऊन गेले होते. या कार्यक्रमातून प्रेरणा मिळाल्यामुळे तिचे वडील तिला दुसऱ्या दिवशी अमरावतीच्या...

•  प्रजासत्ताकदिनी केला माऊली फाउंडेशने  पोलीस  बांधवाचा गौरव अकोला :   देशासाठी समर्पणाचे कार्य करीत असलेल्या पोलीस विभागातील शिपाई बांधवांना प्रोत्साहन मिळून कार्य करण्याचा उत्साह वाढावा यास्तव  माऊली फांउडेशनच्या संचालक मंडळानी  डाबकीरोड पोलीस स्टेशन मधील पाच पोलीस अंमलदारांचा आज प्रजासत्ताकदिन २०२५ च्या राष्ट्रीय कार्यक्रमात २६ जानेवारी रोजी मान्यवराच्या हस्ते गौरव करण्यात आला.        ध्वजारोहणाच्या मुख्य कार्यकमा नंतर  वरीष्ट्र सहा. निरीक्षक तथा ठाणेदार धर्मा सोनूने  व फांउडेशनचे अध्यक्ष, संचालक  यांच्या हस्ते पोलीस कॉन्सटेबल ( ट्राफिक इ चलन ) गजानन धोंगळे , महिला पोलीस कॉन्स्टेबल ( दामिनी दूचाकी )सुरेखा ठाकरे , प्रतिभा राठोड , पोलीस कॉन्स्टेबल (बिट मार्शल दुचाकी )भुषण खांडे,धीरज राठोड यांना लोगो सह प्रशस्ती पत्र ,   पुष्पगुच्छ प्रदान करून गौरविण्यात आले .       यावेळी फांउडेशनच्या कार्याचे विवेचन अध्यक्ष ज्ञानेश्वर मांडेकर यांनी करून संचालक मंगेश लांडे, अजय बांडी , गौत्तमसिंह ठाकूर,...

 ज्येष्ठ नागरिकांच्या मदतीसाठी      14567 हेल्पलाईन अकोला :  केंद्र व राज्य शासनाचा सामाजिक न्याय विभाग, राष्ट्रीय समाज रक्षा संस्थान आणि जनसेवा फौंडेशनच्या संयुक्त विद्यमाने ज्येष्ठ नागरिकांच्या मदतीसाठी 14567 (एक चार पाच सहा सात) ही हेल्पलाईन सुरू करण्यात आली आहे. ज्येष्ठ नागरिकांच्या विविध अडचणी सोडविणे, त्यांच्या तक्रारींचे निवारण करणे, तसेच त्यांच्या जीवनात सकारात्मक बदल घडविणे, अत्याचारग्रस्त वृध्द व्यक्तींची काळजी घेण्यासाठी व इतर सेवांसाठी वेळोवेळी हेल्पलाईनचा उपयोग होणार आहे. टोल फ्री क्रमांक `एक चार पाच सहा सात` ही हेल्पलाईन सकाळी आठ ते रात्री आठ वाजेपर्यंत रोज सुरू राहील. केवळ 26 जानेवारी, 15 ऑगस्ट, 2 ऑक्टोबर व 1 मे वगळता वर्षभर सेवा सुरू राहील, अशी माहिती जनसेवा फौंडेशनचे प्रतिनिधी राजेंद्र आहेर यांनी दिली.  आरोग्यविषयक जागृतीसह मिळणार कायद्याचीही माहिती हेल्पलाईनमार्फत आरोग्यविषयक जागरूकता, निदान, उपचार मिळवून देणे, निवारा, डे केअर सेंटर, पोषणविषयक, ज्येष्ठांसाठीची अनुकूल उत्पादने, सांस्कृतिक, आध्यात्मिक, कला व करमणुकीची माहिती दिली जाणार आहे. ...

  •  १०० वर्षे निरोगी जगण्याचा मंत्र १) वात २) पित्त ३) कफ वरील दोष समप्रमाणात ठेवणे यालाच निरोगी म्हणतात .यामध्ये बिघाड झाला की आपल्याला त्या दोषाचा आजार होतो. यावर उपाय म्हणजे आपली जीवनशैली थोड़ी बदलली की आपल्याला त्याचे चांगले परिणाम अनुभवायला मिळतात       आपण नुसते बोलतो की जुने लोक जास्त वर्ष जग़ायचे पण आपण हे कधी पाहिले नाही की ते लोक एवढे वर्ष तंदुरुस्त कसे जगायचे?  त्यासाठी हे वाचुन कृतीत आणा, जादु होईल १) सकाळी लवकर उठावे म्हणजे ब्रह्ममुहूर्तावर ४.३० ते ५.०० या वेळेत उठावे. २) दात घासण्याआधी कोमट पाणी हळुवारपणे प्यावे म्हणजे तोंडातील सर्व लाळ पोटात जावी याप्रमाणे १- ३ ग्लास पाणी खाली बसुनच प्यावे. (अनेक रोग दूर होतात) ३) पाणी पिल्यावर पोटावर दाब पडतो आणि प्रातिर्विधी करुन घ्यावा. ४) त्यानंतर दात घासावे त्यामध्ये कडु निंबाची काडी,आंब्याची काड़ी, करंजेची काड़ी, बाभळीची काड़ी ई. किंवा कोणतेही स्वदेशी दंतमंजन किवा स्वदेशी पेस्ट वापरु शकता. (पंचगव्य दंतमंजन) दंत रोग दूर राहतात ५) नंतर अंघोळ करावी शक्यतो थंड पाणी किंवा कोमट पाणी वापरावे. अंघोळ करताना गरम...

•    श्री संत गजानन महाराज एक्स्प्रेस नावाने • अकोला ते मुंबई विशेष रेल्वे सुरू करावी  •   आ. साजिद खान यांची केंद्रीय रेल्वे मंत्र्यांना मागणी   अकोला :  पश्चिम अकोला विधानसभा मतदारसंघाचे आमदार साजिद खान पठाण यांनी केंद्रीय रेल्वे मंत्री यांना अकोला ते मुंबई विशेष रेल्वे सुरू करीत त्या गाडीला श्री. संत गजानन महाराज एक्स्प्रेस नाव देण्याची मागणी केली आहे. अकोल्यातून दैनंदिन मुंबईला मोठ्या प्रमाणात नागरिक प्रवास करतात. प्रवाशांची सोय व्हावी व त्यांना तात्काळ आरक्षण मिळावे यासाठी अकोला ते मुंबई अशी विशेष रेल्वेची मागणी अनेकदा प्रवाशांकडून केल्या जाते. तर दुसरीकडे विदर्भातील अकोला हे भौगोलिक दृष्ट्या केंद्रबिंदू आहे. शेजारील बुलडाणा, वाशिम जिल्ह्यातील नागरिकांना सुद्धा मुंबईला जायचे असले की ते अकोल्यात येत असतात. तर दुसरीकडे संपूर्ण देशभर प्रसिद्ध असलेले श्री. संत गजानन महाराज संस्थान हे सुद्धा अकोला शेजारी आहे, असंख्य भाविक भक्तांच्या श्रद्धेचे स्थान असल्याने दूरवरून, मुंबईहुन सुद्धा याठिकाणी भाविक दर्शना करिता येतात. या सर्व बाबींचा विचार करीत...

  एस.ए.कॉलेजचा अजिंठा शैक्षणिक अभ्यास दौरा अकोला : सीताबाई कला, वाणिज्य विज्ञान महाविद्यालयातील इतिहास विभागाचा शैक्षणिक अभ्यास दौरा अलिकडेच जागतिक धरोवर पर्यटन स्थळ असलेल्या अजिंठा या ठिकाणी  प्राचार्य डॉ. आर .डी. सिकची यांच्या मार्गदर्शनात, तर इतिहास विभाग प्रमुख प्रा. डॉ. संतोष  कुळकर्णी यांच्या मार्गदर्शनात आयोजित करण्यात आला होता.   नवीन शैक्षणिक धोरणानुसार विद्यार्थ्यांमध्ये इतिहासाविषयी गोडी निर्माण व्हावी. अजिंठा येथील प्राचीन गुफांचा इतिहास, तेथील प्राचीन वास्तुकला, शिल्पकला व चित्रकला आणि पर्यटनातून निर्माण होणाऱ्या रोजगाराच्या संधी याविषयी अतिशय मौल्यवान मार्गदर्शन इतिहास विभाग प्रमुख डॉ. संतोष कुळकर्णी यांनी विद्यार्थ्यांना केले.       तसेच ऐतिहासिक विषयावरील प्रोजेक्ट निर्मिती आणि संशोधन कार्यामध्ये शैक्षणिक अभ्यास दौऱ्याचा कशाप्रकारे उपयोग होतो, हा या अभ्यास दौऱ्याचा  मुख्य उद्देश्य होता. हा शैक्षणिक अभ्यास दौरा यशस्वी करण्याकरता प्रा. पद्माकर उमाळे, प्रा. राकेश मुदीराज,  प्रा. चेतन नागे, प्रा. आकाश कासट,  प्रा. तुषार ...

 18 जानेवारी जयंतीनिमित्त                   •   लेखक : .डॉ.नरेशचंद्र काठोळे                      संचालक मिशन आय ए एस                      अमरावती कॅम्प 9890967003         सर्व श्री सुरेश भट .उद्धव ज .शेळके .प्रा. मधुकर केचे प्राचार्य डॉ.भाऊ मांडवकर शरदचंद्र सिन्हा बाबा मोहोड उषाताई चौधरी सुधाकर देशमुख आणि सुदाम सावरकर ही अमरावती शहरातील नामवंत लेखक व कवी मंडळी. या सर्वांशी माझे अतिशय निकटचे संबंध होते .त्यातल्या त्यात प्रा. मधुकर केचे आणि मी एकाच महाविद्यालयांमध्ये मराठीचे प्राध्यापक म्हणून कार्यरत होतो. त्या महाविद्यालयाचे नाव म्हणजे अमरावतीच्या मोर्शी रोडवर असलेले श्रीमती केशरबाई लहोटी महाविद्यालय. माझे वडील श्री विठ्ठलराव काठोळे याच महाविद्यालयामध्ये  चतुर्थ श्रेणी कर्मचारी म्हणून कार्यरत होते. आम्ही महाविद्यालयाच्या परिसरातच राहत होतो. त्यामुळे महाविद्यालय आणि मी हे समीकरण बरेच वर्षे च...

 स्पर्धा परीक्षेच्या क्षेत्रातील  अतुलनीय कार्याबद्दल सन्मान अमरावती दि.16- राष्ट्रमाता जिजाऊ जन्मोत्सवानिमित्त व अल्हाज असद बाबा त्यांच्या पुण्यस्मरणानिमित्त मुंबईच्या आसद बाबा मेमोरियल ट्रस्ट तर्फे अमरावतीचे सुप्रसिद्ध स्पर्धा परीक्षा तज्ञ व डॉ. पंजाबराव देशमुख आयएएस अकादमीच्या मिशन आय ए एसचे संचालक प्रा. डॉ.नरेशचंद्र काठोळे यांना यावर्षीचा जीवनगौरव पुरस्कार देऊन गौरविण्यात आले आहे. बुलढाणा जिल्ह्यातील राष्ट्रमाता जिजाऊ यांच्या जन्मगावी सिंदखेड राजा येथे राष्ट्रमाता जिजाऊ यांच्या जिजाऊ सृष्टीच्या परिसरात झालेल्या या कार्यक्रमाच्या अध्यक्षस्थानी  मुस्लिम धर्मगुरू श्री मौलाना रिझवी हे होते. प्रा.डॉ.नरेशचंद्र काठोळे यांनी स्पर्धा परीक्षेच्या क्षेत्रात गेल्या 25 वर्षात जी अविरत विनामूल्य सेवा दिली त्याबद्दल हा यावर्षीचा जीवनगौरव पुरस्कार त्यांना प्रदान करण्यात आलेला आहे. या कार्यक्रमाला प्रमुख पाहुणे म्हणून सर्वश्री देवेंद्र भाई जैन साधक मुंबई भुगृ विठाधिरेश्वर दिल्लीचे महाराज स्वामी सुशील गोस्वामी बुलढाणा अर्बन बँकेचे मुख्य कार्यकारी अधिकारी श्री सुकेश झंवर डॉ. रमाकांत देश...

   नागपूर : डॉ. प्रिया दादाराव डुले यांनी DEVELOPMENT OF DRUG PRINTING TECHNOLOGY FOR ORAL FILMS या विषयावर शोधप्रबंध राष्ट्रसंत तुकडोजी महाराज नागपूर विद्यापीठात सादर केला. या शोधप्रबंधा करिता त्यांना विद्यापीठाची पीएचडी १६.१२.२०२४ रोजी जाहीर झाली. या शोध प्रबंधासाठी गुरुनानक कॉलेज ऑफ फार्मसी, नागपूरच्या वैशाली ए. किलोर यांचे त्यांना मार्गदर्शन लाभले.  https://tumchyasathich.blogspot.com/2025/01/blog-post_16.html त्यांनी आपल्या यशाचे श्रेय दादाराव डुले, वर्षा डुले, आशिष डुले, संघमित्रा डुले,मास्टर मित्रांश डुले, श्री. प्रबोधकुमार सिन्हा, पुष्पा सिन्हा, मास्टर प्रांशु सिन्हा, डॉ. कुमार प्रत्युष आणि सर्व कुटुंब यांना दिले आहे. संशोधनासाठी आणि निधी सहाय्य प्रदान केल्याबद्दल झिम लॅबोरेटरीज आणि डीएसटीचे त्यांनी विशेष आभार मानले आहेत.

  अकोला : १४ जानेवारी १७६१ रोजी पानिपतच्या शौर्य भूमीवर मराठ्यानी देश रक्षणासाठी प्राणार्पण राष्ट्रच्या शत्रुला अहमदशहा अब्दालीला कायमची पडवली. ह्या युद्धात मराठ्यांनी अभूतपूर्व पराक्रम ६केला. दुर्दैवाने युध्दात पराजय जरी झाला तरी तो लाख विजयांना लाजवणारा असा कीर्तिशाली होता. १७६१ • नंतर कोणाही परकीय शाहूने ह्या देशावर आक्रमण करण्याची हिम्मत केली नाही. ते केवळ पानिपतावर मराठ्यांनी केलेल्या बलिदानामुळे. त्यांच्या पराक्रमामुळे, आपल्या पराक्रमाने, आपल्या दिव्य बलिदानाने मराठ्यांनी ह्या देशाचे = १७६१ नंतरही जवळपास १८०३ पर्यंत अतिशय समर्थपणे नेतृत्व केले. आणि मराठेशाहीचा वचक संपूर्ण हिंदुस्थानात कायम केला यावेळी पानिपतावर धारातिर्थी पडलेल्या महाराष्ट्रतील अठरा पगड जातीच्या मराठे शिलेदार, वीर योद्धयांना, त्यांच्या राष्ट्रीय बलिदानाला, त्यांच्या अतुलनीय शौर्याला अभिवादन करण्या करीता हुतात्मा स्मारक अकोला येथे अभिवादन कार्यक्रमाचे आयोजन माऊली फांउडेशन व्दारे ज्ञानेश्वर मांडेकर यांनी दि १४जानेवारी २०२५ ला केले होते. या ऐतिहासिक कार्यक्रमाच्या अध्यक्षस्थानी मराठा संघाचे रामजी मुळे होते. त्या...

अकोला : "समाजात  संवेदनेचा  ओलावा कायम ठेवण्यासाठी  सूर्यबाला सारख्या संवेदनशील लेखिकेचं साहित्य काळाची गरज आहे. त्यांच्या साहित्यातील संवेदनेचं गहन अध्ययन आणि समर्पक विश्लेषण या पुस्तकाचं वैशिष्ट्य आहे. डॉ. पूनम पिसे  लिखित हे  पुस्तक  संग्रहनीय आहे आणि त्याचं स्वागत व्हायला हवं." असं वक्तव्य विद्योत्तमा फाउंडेशनचे अध्यक्ष श्री  सुबोध कुमार मिश्र यांनी केल. ते विद्योत्तमा फाउंडेशनच्या पुस्तक प्रकाशन सोहळ्या प्रसंगी समीक्षक म्हणून बोलत होते.विद्योत्तमा फाउंडेशन, नाशिक च्या पुस्तक प्रकाशन सोहळा नुकताचं यशस्वी पने संपन्न झाला त्या प्रसंगी 'सूर्यबाला: संवेदनाओं का ज्योति पुंज' हे पुस्तक प्रकाशित करण्यात आलं. पुस्तकाची प्रस्तावना वरिष्ठ लेखक डॉ. दामोदर खड़से यांनी लिहिली आहे व  वनिका  प्रकाशन तर्फे पुस्तक प्रकाशित आहे.  या समारोहा प्रसंगी मोठ्या संखेने साहित्यकार आणि रसिक श्रोते व विद्योत्तमा फाउंडेशन चे सर्व पदाधिकारी आणि सदस्य उपस्थित होते.कार्यक्रमाचा शुभारंभ दिपप्रज्ज्वलन व सरस्वती पूजनाने झाला . श्रद्धा शिंदे यांनी आरंभी सुमधुर आवाजात ...

  अकोला :  १२ जानेवारी ला अखिल भारतीय ग्राहक पंचायत च्या वतीने भाऊसाहेब लहाने सभागृहात पितामह सुधाकरराव जकाते यांचे अध्यक्षतेखाली जगाला ज्ञानाचा संदेश देणाऱ्या स्वामी विवेकानंद यांची १६३ वी जयंती मोठ्या उत्साहात साजरी करण्यात आली.         सुधाकरराव जकाते यांनी अखिल भारतीय ग्राहक पंचायतच्या शहरात १२ शाखा काढण्यासाठी प्रयत्न करून सभासद बनविण्यासाठी अध्यक्ष, संघटन मंत्री यांनी प्रयत्न करावे असे आवाहन करून अध्यक्ष व संघटन मंत्री यांच्याकडून शब्द घेतला.      मनोहर गंगाखेडकर यांच्या पत्नी स्व.सुचिता गंगाखेडकर व स्व . भैय्यासाहेब मामू यांना दोन मिनिट मौन राखून श्रद्धांजली अर्पण करण्यात आली.       प्रास्ताविकात संघटन मंत्री दिनेश पांडे यांनी स्वामी विवेकानंद यांच्या कार्याबद्दल माहिती दिली.भास्कर राव कळाशीकर ग्राहक पंचायत चे सेवाभावी वृत्तीने काम केले तर आयुष्यात काहीच कमी पडणार नाही. डॉ.अशोक ओळंबे यांनी काहिही सुचना न देता टोईंग पथके गाड्या उचलतात त्यामुळे गाडी चोरीला गेली की टोइंग पथकाने नेली हे कळत नाही., अतिक्रमण, स्वच्छतागृहांची श...

  वृक्षतोड, भक्ष्य व पाण्याचा अभावामुळे वन्यप्राणी मानवी वस्त्यांकडे धाव घेऊ लागले आहेत. मूर्तिजापूर भागात वन्यप्राण्यांची संख्या नसल्यासारखीच आहे. यद्यपि, एक बिबट्या सध्या जामठी गावात भक्ष्य मिळविण्यासाठी जनावरांवर  हल्ले करू लागला आहे. जामठी गावात बिबट्याची दहशत काल रात्रीपासून पसरली आहे.        काल रात्री रात्री १.३० च्या सुमारास दोन पाळीव जनावरांवर बिबट्याने हल्ला चढविला यावर वेळीच उपाययोजना करणे गरजेचे आहे. बेसुमार जंगलतोड व अवैध शिकारीमुळे एकीकडे वाघ, सिंहासारखे मार्जार कुळातील हिंस्त्र श्वापदे झपाट्याने कमी होत असताना याच कुळातील बिबट्याने मात्र आजही आपले अस्तित्व टिकवून ठेवले आहे. मुळातच अतिशय चाणाक्ष, बुध्दिमानी व संधिसाधू स्वभावाचा बिबट्या, असेल त्या परिस्थितीशी, वातावरणाशी जुळवून घेण्यात तरबेज मानला जातो. तो अगदी हिमालयातील बर्फाळ प्रदेशापासून ते थेट समुद्र किनारपट्टीपर्यंत हमखास आढळून येतो. सहसा दाट झाडी-झुडपात लपून -छपून जीवन जगणारा बिबट्या अत्यंत ‘छलिया शिकारी’ समजला जातो.        मिळेल त्या परिस्थितीत मिळेल ती शिकार करण्याच...

  अकोला : व्हॉइस ऑफ मिडिया संघटनेच्या जिल्हा उपाध्यक्षपदी निवड झाल्याबद्दल ज्येष्ठ पत्रकार विशाल पुरंदरे व रोखठोक लेखनासाठी पत्रकार विशाल राजे बोरे यांचा उद्योगपती जसपाल सिंग नागरा यांच्या हस्ते स्थानिक शासकीय विश्रामगृहात सत्कार करण्यात आला. परिवर्तन युवक संघटनेच्या वतीने माजी सैनिक, सामाजिक कार्यकर्ते व पत्रकारांचा सत्कार समारंभ आयोजित करण्यात आला होता.     विविध क्षेत्रात उल्लेखनीय कामगिरी करणाऱ्या मान्यवरांचा सत्कार करण्याची परिवर्तन युवक संघटनेचे प्रमुख डॉक्टर रामकृष्ण डोंगरे यांची संकल्पना होती. या समारंभाला प्रमुख अतिथी म्हणून प्रसिद्ध उद्योगपती तथा हॉटेल जसनागराचे मालक जसपाल सिंग नागरा लाभले होते. कार्यक्रमाचे अध्यक्षस्थानी श्री शिवाजी अभियांत्रिकी महाविद्यालयाचे प्राध्यापक गजानन भारसाकळे उपस्थित होते. यावेळी बोलताना जसपाल सिंग नागरा यांनी अकोल्यातील पत्रकारांची भूमिका महत्त्वाची असल्याचे सांगितले. त्याचप्रमाणे संतुलित आहार घेतल्याने कोणताही असाध्य आजार पूर्णपणे बरा होऊ शकतो, हे देखील पटवून दिले. हॉस्पिटलमध्ये लाखो रुपये खर्च न करता आधी आपल्याशी संपर्क साधावा, आपण...

  अकोला : श्री दत्त संप्रदायातील साधक व श्री गुरुचरित्राचे उपासक म्हणून प्रसिद्ध श्रद्धेय श्री बाळकृष्ण ( दादा) आवदे यांनी वयाची शंभर वर्षे पूर्ण केली असून 11 जानेवारी 2025 रोजी ते 101 व्या वर्षात पदार्पण करीत आहेत. विदर्भातील विविध जिल्ह्यात दत्त उपासना करणारा त्यांचा मोठा चाहता वर्ग आहे. तेल्हारा येथील श्री विष्णुदास महाराज यांचे ते अंतरंग शिष्य आहेत. सद्गुरु श्री विष्णुदास महाराज माहात्म्य व इतर एकूण १४ ग्रंथांचे लेखक असून ते पूर्वीचे  राष्ट्रीय स्वयंसेवक संघाचे जुने स्वयंसेवक आहेत. १९५० ते १९८५ पर्यंत त्यांनी तेल्हारा येथील सेठ बन्सीधर विद्यालय तेल्हारा,येथे गणित विज्ञानाचे शिक्षक म्हणून सेवा दिली. त्यांनी मोठ्या प्रमाणात धार्मिक ग्रंथांचे लिखाण केले, मात्र सर्व साहित्य ते विनामूल्य वितरित करतात. त्यांची प्रकृती आजही उत्तम असून नित्यनियमाने त्यांची उपासना सुरू आहे. त्यांनी,११जानेवारी २०२५ रोजी १०१ व्या वर्षात पदार्पण केल्याबद्दल समाजाच्या सर्व स्तरातून त्यांच्यावर अभिनंदनाचा वर्षाव होत आहे.