भाजपा प्रदेश कार्याध्यक्ष रवींद्र चव्हाणांनी घेतले राजराजेश्वराचे दर्शन 

अकोला : ग्रामदेवता  श्री राजराजेश्वर मंदिरात विशेष पूजा अर्चना करून पंतप्रधान नरेंद्र मोदी यांच्या नेतृत्वाखालील महाशक्तिशाली राष्ट्र निर्माण व्हावे, तसेच महाराष्ट्राच्या 13 कोटी जनतेचा कल्याणार्थ मुख्यमंत्री देवेंद्र फडणवीस यांच्या नेतृत्वाखालील महायुती सरकारला  ताकद प्रदान करावी, अशी प्रार्थना भाजपा प्रदेश  कार्यकारी अध्यक्ष   रवींद्र चव्हाण यांनी  आज  येथे श्री  राजराजेश्वराला केली आहे.

         पश्चिम विदर्भाच्या नऊ जिल्ह्याच्या बैठकीसाठी राजराजेश्वर नगरीमध्ये आगमन झाल्यावर सर्वप्रथम ग्रामदेवता जागृत राजेश्वर मंदिरात महादेवाला अभिषेक विशेष पूजा अर्चना केली व यावेळी आमदार रणधीर सावरकर यांनी राजेश्वर मंदिराला वर्गाचा दर्जा देण्याची प्रक्रिया सुरू असून तसेच 500 कोटी रुपयांचा प्रस्ताव पाठवण्यात आला आहे. त्याला मंजुरीसाठी राज्य शासनाकडे  पाठविला असल्याचे सांगितले. व यासंदर्भात आपण सर्वतोपरीने मदत करून पुरातन जागृत देवस्थानाची संस्कृती जपण्याच्या कार्यक्रमाला आपण मदत करू,  असे अभिवचन दिले.   तसेच आमदार रणधीर सावरकर यांच्या सक्रियतेचे त्यांनी कौतुक केले.

       यावेळी खासदार अनुप धोत्रे, विदर्भ संघटन मंत्री उपेंद्रकोठेकर, विजय अग्रवाल, जयंत मसने, किशोर पाटील,  कृष्णा शर्मा, अक्षय जोशी आदी पदाधिकारी उपस्थित होते. यावेळी त्यांनी मंदिराच्या परिसराची पाहणी केली संस्थेच्या वतीने त्यांचा स्वागत करण्यात आलं .

वेदपाठी पंडित लखन शर्मा लोकेश तिवारी हेमंत शर्मा यांनी विशेष पूजा अर्चना केली