क्वालालंपूर(मलेशिया) : महाराष्ट्रातील एका छोट्याशा शहरातून जागतिक व्यासपीठावर झेप घेत पूजा मेश्राम ह्या अकोल्यात जन्मलेल्या आणि वाढलेल्या प्रतिभावान स्त्रीने पुन्हा एकदा आपल्या शहराचा अभिमान वाढवला आहे. क्वालालंपूर, मलेशिया येथे झालेल्या माइलस्टोन मिसेस आशिया इंटरनॅशनल २०२५ या मान्यवर सौंदर्य स्पर्धेत त्यांनी प्रथम उपविजेतेपद (1st Runner-Up) पटकावले. ही स्पर्धा अत्यंत कडवट स्पर्धात्मक होती. ज्यामध्ये रशिया, तुर्की, दुबई, युके, श्रीलंका, मलेशिया, व्हिएतनाम, इंडोनेशिया आणि जपान यांसारख्या देशांतील प्रतिभावान महिलांनी सहभाग घेतला होता. अशा जागतिक स्तरावरील स्पर्धेत पूजा आपल्या गौरव, आत्मविश्वास आणि प्रेरणादायी प्रवासामुळे विशेष ठरल्या. या उपविजेतेपदाबरोबरच, त्यांना खालील दोन विशेष सन्मानही प्राप्त झाले.
या आंतरराष्ट्रीय मंचावर त्यांनी सिंगापूरचे प्रतिनिधित्व करताना आपल्या महाराष्ट्राच्या संस्कृतीचा आणि अकोल्याच्या अभिमानाचा ठसा उमटवला. या अनुभवाबद्दल बोलताना पूजा म्हणाल्या, "ही केवळ माझा वैयक्तिक विजय नाही — तर ती प्रत्येक मुलींचा विजय आहे. जी मोठी स्वप्न पाहते, मग ती कुठल्याही कोपऱ्यातून का येऊ नये. अकोल्याच्या मातीत वाढलेली मी, आज जागतिक व्यासपीठावर उभी आहे — हे माझ्यासाठी खूप मोठं भाग्य आहे. "पेजेंट व्यतिरिक्त, पूजा या एक प्रोफेशनल वॉटरकलर आणि कॉफी पेंटिंग कलाकार आहेत. त्यांच्या चित्रांमध्ये नजाकत आणि भावनांची खोली यांचा सुंदर मिलाफ दिसून येतो. पूजाची कहाणी म्हणजे धैर्य, सर्जनशीलता आणि आत्मविश्वास यांचं मूर्त स्वरूप आहे — ही केवळ तिचीच नाही, तर प्रत्येक अकोल्याच्या माणसाची विजयगाथा आहे, ज्यांनी कधी ना कधी स्वप्नं पाहिलेली असतात.
अकोल्यातील अनेक मान्यवरांनी त्यांचे अभिनंदन केले आहे.
आपल्या यशाचे श्रेय त्यांनी आपल्या मातोश्रीला दिले आहे.
======================
Vijay Kendarkar
टिप्पण्या
टिप्पणी पोस्ट करा