दर्यापूर परिसरातील माहुली (धांडे) येथील गाडगेबाबा गोरक्षण संस्थेचे संस्थापक - विश्वस्त प्रा.गजानन रामकृष्ण भारसाकळे यांच्या गोसेवा कार्यातील एका नाविन्यपूर्ण संशोधन

गोसेवेतील नाविन्यपूर्ण संशोधनाला कॉफीराईट मान्यता

      

        प्रा. गजानन भारसाकळेंचे              पर्यावरणीय तथा शेती विकासाचे          प्रभावी कार्य             

           

अकोला : 

एखाद्या वैशिष्टपूर्ण कार्यासाठी केंद्र शासनाच्या निकषानुसार समाधानकारक कार्यपूर्तता झाल्यानंतर  भारत या कार्याला सरकारची कॉफीराईट मान्यता प्रमाण पत्राद्वारे प्रदान करण्यात येते. दर्यापूर परिसरातील माहुली (धांडे) येथील गाडगेबाबा गोरक्षण संस्थेचे संस्थापक - विश्वस्त प्रा.गजानन रामकृष्ण भारसाकळे यांच्या गोसेवा कार्यातील एका नाविन्यपूर्ण संशोधन कार्याला भारत सरकारकडून नुकतेच कॉपीराईट प्राप्त झालेले आहे. 

        त्यांच्या संशोधनाचे शिर्षक " गायीच्या शेणापासून बायो-एनर्जी आणि सेंद्रिय खते निर्मितीद्वारे शाश्वत ग्रामीण विकास" असे असून हे केवळ शास्त्रीय दृष्टीकोनातून महत्वाचे नाही तर ग्रामीण भागाच्या आर्थिक, पर्यावरणीय व सामाजिक विकासासाठी एक प्रभावी उपाय ठरणारे आहे. 

         त्यांच्या या कार्यामुळे स्वच्छ ऊर्जा निर्मिती, नैसर्गिक खतांचा उपयोग आणि पर्यावरणपूरक शेती यांना अधिक चालना मिळणार असून या कृतीपूर्ण सिद्ध संशोधनाने ग्रामीण भागाला शाश्वत विकासाच्या दिशेने नेणारा एक नवा मार्ग मिळाला आहे.  हा कॉपीराईट म्हणजे केवळ वैयक्तीक यश नसून गजानन भारसाकळे प्राध्यापक म्हणून कार्यरत असलेल्या श्री शिवाजी शिक्षण संस्था अमरावती अंतर्गत बाभूळगांव - अकोला येथील अभियांत्रिकी व तांत्रिकी महाविद्यालयासाठी तथा पर्यायाने श्री शिवाजी शिक्षण संस्थेसाठी गौरवाची बाब आहे.

      या कार्यार्थ केंद्रशासनाच्या मुंबई कार्यालयात पेंटेंट सुद्धा रजिस्टर करण्यात आले असून त्यांच्या या पुढील पेटेंट संशोधन प्रवासासाठी श्री शिवाजी शिक्षण संस्थेचे कोषाध्यक्ष दिलीप बाबू इंगोले, उपाध्यक्ष ॲड गजाननराव पूंडकर तथा केशवरावजी मेतकर, कार्यकारिणी सदस्य हेमंतराव काळमेघ तथा प्राचार्य केशवरावजी गावंडे, अभियांत्रिकी व तांत्रिकी महाविद्यालय बाभूळगांव - अकोला येथील महाविद्यालय सी डी सी समिती सदस्य प्राचार्य डॉ अनंत मराठे, प्राचार्य डॉ आशिष महल्ले तथा प्राचार्य डॉ सुनिल सोमाणी तसेच  प्राचार्य डॉ प्रशांत थोरात, सर्व विभाग प्रमुख, सर्व प्राध्यापक व कर्मचारी वृंद, महाविद्यालयाची माजी विद्यार्थी संघटना, संत गाडगेबाबा अमरावती विद्यापीठ अमरावतीचे  प्र-कुलगुरु डॉ महेंद्रजी ढोरे , भारत कृषक समाज अमरावती जिल्हाध्यक्ष भैय्यासाहेब मेथकर , डॉ पंजाबराव अर्बन को ऑप बँक अमरावतीचे अध्यक्ष प्रा.नरेश पाटील, आय ए एस अकादमीचे अध्यक्ष डॉ नरेशचंद्र काठोळे , गाडगेबाबा मिशन मुंबईचे उपाध्यक्ष बाप्पूसाहेब देशमुख, माजी राज्यमंत्री गुलाबरावजी गावंडे, गाडगेबाबा गोरक्षण संस्थेचे संपूर्ण विश्वस्त मंडळ, प्रा गजानन भारसाकळे अध्यक्ष असलेल्या गाडगेबाबा मंडळाचे संपूर्ण महाराष्ट्रभर पसरलेले सभासद, ते माजी सरपंच असलेल्या बेलोरा या जन्मगावातील नागरीक, सर्व आप्तेष्ट व बहुसखेने असलेल्या मित्र परिवाराने दूरध्वनी संदेशाद्वारे प्रा. गजानन भारसाकळे यांचेवर अभिनंदनाचा वर्षाव केला आहे.

     त्यांना पर्यावरण व समाजसेवा या कार्याबाबत गेल्या वीस वर्षात विविध प्रतिष्ठेच्या पुरस्कारांनी सन्मानित करण्यात आले असून त्यांच्या द्वारे निर्मित प्रकल्पांना शासकीय अनुदानही प्राप्त आहे ही बाब इथे अतिशय उल्लेखनिय आहे.