संदीप पाटील बाळापूर कृऊबास बांधकाम समिती सभापतीपदी 

          बाळापूर : बाळापूर कृषी उत्पन्न बाजार समितीच्या बांधकाम समिती सभापतीपदी संदीप दादाराव पाटील यांची अविरोध निवड झाली आहे. बाळापूर कृषी उत्पन्न बाजार समितीचे संचालक मंडळाच्या नुकत्याच झालेल्या सभेत संस्थेचे सभापती सेवकराम ताथोड यांनी संदीप पाटील यांच्या नावाचा प्रस्ताव मांडला.  त्यास उपसभापती राजेश राऊत यांनी अनुमोदन दिले. 

        नियुक्ती सभेला सहाय्यक निबंधक श्रीमती आर. आर. विटणकर, सहकारी अधिकारी गोपनारायण यांच्यासह संचालक सर्वश्री रामभाऊ काळे, रमेश ठाकरे, कैलास घोंगे, रवींद्र सरप, रामेश्वर पोहरे, गव्हाणकर, नितीन रवींद्र मुरूमकर, ज्ञानेश्वर माळी, गुलाम-नफीस गुलाम नबी, गजानन वजिरे, लक्ष्मण सरप, राजेश्वर वैराळे, धनंजय दांदळे, अनिता भागवत माळी, रेखा संजय कराळे प्रामुख्याने हजर होते. 

        सभेचे संचालन सचिव के. एस. नावकार यांनी केले. संदीप पाटील यांच्या निवडीमुळे शेतकऱ्यांमध्ये व सभासदांमध्ये आनंद व्यक्त होत आहे.