🌹दैनिक देशोन्नतीत दर रविवारी प्रसिद्ध होणारा स्तंभ..'कवडसा'

"प्रश्न सारखे पण उत्तरं नाही.."

🔷माणसाच्या शरीराची ओपीडी असते तसेच माणसाच्या मनाची असावी, नव्हे ती असते मात्र त्याकडे कोणी लक्ष फारसं देत नाही. आज अनेक लोक शरीराने नव्हे तर मनाने थकलेले असतात. चेहऱ्यावर दिसत नाही पण मनात वेदना असतात. काहींच्या तर बँक खात्यात लाखो रुपये असतात मात्र मनात समाधान नसते. ते एखाद्या वर्तमानपत्रात बातमी आली का ? माझं नाव आलं का ? याकडे लक्ष देत राहतात. 

        छोट्या-मोठ्या कार्यक्रमांमध्ये सहभागी झाल्याने नाव छापून येतं, हे त्यांना माहीत असल्यामुळे ते सहभागी होतात. कारण त्यांच्या मनात समाधान नसतं. मनमोकळं करताना ,कधी - कधी स्वत:चा खिसा सुद्धा काहीसा ‌रिकामा करावा लागतो हे त्यांना माहीत नसल्यामुळे त्यांना समाधान  कधीही प्राप्त होत नाही, हे सत्य ! 

        खरंतर माणसाच्या मनाचे निरीक्षण व्हायला पाहिजे कारण त्याशिवाय निदान होत नाही आणि निदाना शिवाय उपचार करणे अशक्य असते. माणूस कोणीही असो, माणसाच्या मनात जमा झालेला राग,मत्सर ,भीती ,लोभ,अपराधीपणा, अहंकार आणि विविध प्रकारच्या नकारात्मक भावना ह्या त्यालाच हळूहळू खात असतात हे माणसाला कळत नाही ,हे दुर्दैव आहे. वाईट गोष्ट कोणतीही असो, उदा. घरातील कचरा माणूस बाहेर टाकतोच की नाही ? मग तसंच भावनांचं नाही का ? माणसानं नैसर्गिक राहण्याचा प्रयत्न करावा असं वाटतं. हळूहळू वाईट नष्ट होत जावं अन् हळूहळू नवीन चांगलं निर्माण होत राहावं, यासाठी असं सतत ' वाटणं ' अत्यावश्यक असतं! पण यासाठी प्रयत्न करावे लागतील की नाही  ?

     मनाची तपासणी करावी हे खरं आहे. मात्र प्रत्येकाला वाटत असतं- मी असं व्हावं ,मी तसं व्हावं. पण ते सगळं करण्याची परिस्थिती आणि वातावरण आहे काय ? माणसाची क्षमता आहे काय ,याचा विचार केला जात नाही.तर कधी -कधी माणसाच्या अंगात अपेक्षाभंग, तक्रारी ,नाराजी येण्याची शक्यता असते. यावर उपाय काय ? माणसानं स्वप्नं पाहायची नाहीत काय ? नक्कीच पहावीत कारण स्वप्न असली म्हणजे अडथळे असले, तणाव असला तरी माणूस विकास करण्याची शक्यता असते.मग उपाय असा आहे -' आपली सगळी परिस्थिती माणसाने जाणावी ओळखावी आणि त्यातून मार्ग काढण्याचा शक्य तेवढा प्रयत्न करावा ' .हे सगळं ज्याला ओळखता येतं तो खरा माणूस ! एवढं मात्र खरंच की एकाची तुलना दुसऱ्याशी कधीच नाही.एकाची परिस्थिती दुसऱ्यावर असतेच असं नाही. कधी वेगळी असू शकते पण परिस्थिती सारखी वाटत असली तरी ती सारखी नसते.प्रश्न सारखेच असतात मात्र उत्तरे वेगवेगळी असतातच ना ? तरी लोक प्रयत्न करतात हे काय कमी आहे ? खरंतर प्रयत्न करणे महत्त्वाचे आहे मात्र तरी काही प्रश्न अनुत्तरित राहतात. ते राहतच असतात. यासाठीच की काय प्रसिद्ध शायर मख्मूर सईदी लिहितात - 

जवाब उन सवालों का 

दे कोई कब तक 

ये जिंदगी तो 

मुसल्सल सवाल करती है

प्रा.डॉ.मोहन खडसे , अकोला 

ईमेल: mvkhadse9@gmail.com

(प्रस्तुत लेखक हे प्रसिद्ध स्तंभलेखक शिक्षण तज्ञ असून त्यांच्या सावित्री फाउंडेशन, अकोला या त्यांच्या संस्थेच्या माध्यमातून सक्रिय सामाजिक व शैक्षणिक कार्य करतात.)

०००००००००००००००

SUPER NEWS 24(मराठी)

विजय द. केंदरकर, ज्येष्ठ पत्रकार

(P. R. O.)

संवाद : 9371854706      

(प्रसिध्दी व जनसंपर्क अधिकारी) 

 डाॅ.पंजाबराव देशमुख IAS मिशन अकादमी,अमरावती

महत्वपूर्ण सकारात्मक बातम्या, आंतरराष्ट्रीय बातम्या, स्पर्धा परीक्षा, IAS मिशन, शिक्षण, साहित्य, अध्यात्म, आरोग्य, राशीभविष्य, कलावंत, चित्रपट, नाटक, संगित, माहितीपूर्ण लेख, धार्मिक, निसर्ग पर्यटन, तंत्रज्ञान, आरोग्य, वित्त, जीवनशैली, प्रवास, फॅशन, खाद्यसंस्कृति, तंत्रज्ञान, विशिष्ट छंद, आयुर्वेद, भ्रमंती, सतत नाविन्यपूर्ण माहिती मिळविण्यासाठी .

Follow this link to join my WhatsApp grou or contact 9371854706

https://chat.whatsapp.com/GTb19FbwSXr0SMaDJdKAvc

  _____________________________________