नगर परिषद/नगरपंचायत निवडणुका २०२५
•अकोला पोलीस दल सज्ज — मतदान, मतमोजणी आणि संपूर्ण जिल्ह्यात कडक सुरक्षा व्यवस्था
• ९ वर्षांनंतर होणाऱ्या निवडणुकांसाठी SP अकोला यांची पाहणी, स्ट्रॉंगरूम सुरक्षा, रूट मार्चेस, प्रतिबंधक कारवाई आणि अतिरिक्त बंदोबस्ताची अंमलबजावणी
अकोला : अकोला जिल्ह्यातील ५ नगर परिषद व १ नगरपंचायत निवडणुका दि. ०२ नोव्हेंबर २०२५ रोजी पार पडत असून ३ नोव्हेंबर २०२५ रोजी मतमोजणी होणार आहे. सन २०१६ नंतर तब्बल ९ वर्षांनी या निवडणुका होत असल्यामुळे राजकीय वातावरण तापले असून सर्व प्रमुख पक्षांत तीव्र स्पर्धा आहे. या पार्श्वभूमीवर निवडणुका शांत, पारदर्शक व भयमुक्त वातावरणात पार पाडण्यासाठी अकोला जिल्हा पोलीस दल पूर्णपणे सज्ज असून मागील एक महिन्यापासून व्यापक पातळीवरील तयारी सुरु आहे. आचारसंहिता लागू झाल्यानंतर राज्य निवडणूक आयोग व शासनाकडून मिळालेल्या सूचनांनुसार पोलीस अधीक्षक, अकोला यांनी जिल्हाधिकारींसह संयुक्त भेटी देत स्ट्रॉंगरूमची पाहणी, सुरक्षा मूल्यांकन आणि बंदोबस्त आराखड्यावर पुनरावलोकन केले. ईव्हीएम सुरक्षा सुनिश्चित करण्यासाठी सर्व प्रकारच्या उपाययोजना राबविण्याच्या सक्त सूचना करण्यात आल्या. जिल्ह्यातील संवेदनशील भाग, मिश्र वस्ती, पूर्वी जातीय वाद घडलेली क्षेत्रे तसेच बहुबुथ इमारती याठिकाणी पोलीस उपाययोजना अधिक कडक करण्यात आल्या आहेत. जिल्ह्यातील सर्व SDPO व PSO यांनी स्वतः सर्व मतदान केंद्रांची पाहणी करून बंदोबस्ताची पडताळणी केली असून मतदान व मतमोजणी दोन्ही शांततेत पार पडतील याची खात्री केली आहे.
अकोला जिल्ह्यातील नगर परिषद/नगरपंचायत — निवडणूक आकडेवारी एकूण नगरपरिषद/नगरपंचायत: ६ एकूण मतदान केंद्रे (PS): २४७ एकूण इमारती (PSL): १०० नगरसेवक पदांसाठी उमेदवार: ६८० नगराध्यक्ष पदासाठी उमेदवार: ३८
SST–FST–VST बंदोबस्त
एकूण १८ SST लोकेशन्स तयार करण्यात आले असून या टीमसाठी ११८ पोलीस कर्मचारी तैनात करण्यात आले आहेत.
प्रतिबंधक कारवाई
पूर्वी नगरपरिषद/मनपा/जिल्हा परिषद निवडणुकांमधील एकूण ६९ गुन्ह्यांतील ११० आरोपींवर प्रतिबंधक कारवाई करण्यात आली. १ ऑक्टोबर ते २८ नोव्हेंबर २०२५ या कालावधीत : कलम १०७/११६(३) अंतर्गत: ९९५ कारवाया BP Act ५५: ०२, BP Act ५६: २५, MPDA: ०३, BNSS: ०१
अवैध दारू आणि शस्त्रांवर कारवाई
अवैध दारूविरोधात ३४२ मुद्देमाल नष्ट करीत रु. ३७,१६,१०५ किंमतीचा माल जप्त व नष्ट करण्यात आला.
आर्म्स ॲक्टअंतर्गत ०७ गुन्हे नोंदवून तलवार व सुरे अशी शस्त्रे जप्त केली.
मतदान व मतमोजणीसाठी पोलीस बंदोबस्त
जिल्ह्यात खालील मनुष्यबळ तैनात : Addl SP – 01, SDPO – 04, PI – 22, API/PSI – 116, पोलीस कर्मचारी – 2300, होमगार्ड – 600, SRPF – 1 कंपनी. संवेदनशील मतदान केंद्रांवर अतिरिक्त पोलीस, SRPF, RCP सेक्शन्स तैनात केली जाणार आहेत.
एकूण २४७ मतदान केंद्रांपैकी १२४ संवेदनशील म्हणून वर्गीकृत. प्रत्येक सेक्टरवर १ अधिकारी + ५ पोलीस कर्मचारी + ५ होमगार्ड अशी सेक्टर पेट्रोलिंग ठेवण्यात येणार आहे. तसेच प्रत्येक पोलीस स्टेशनमधून १ अधिकारी व १० कर्मचारी रिझर्व ठेवले जातील.
रूट मार्चेसद्वारे मनुष्यबळ प्रदर्शन
मतदान आणि मतमोजणी दरम्यान कायदा व सुव्यवस्था अबाधित ठेवण्यासाठी अकोला जिल्हा पोलीस दलाने स्थानिक पोलीस व बाहेरील तुकड्यांसह संयुक्त रूट मार्चेस सुरु केले आहेत. आजपर्यंत अकोट, मुर्तिजापूर, बाळापूर, बार्शीटाकळी, तेल्हारा व हिवरखेड शहरांत मोठ्या प्रमाणावर रूट मार्चेस घेण्यात आले असून पुढील दोन दिवसांत संख्या आणखी वाढविण्यात येणार आहे. यामुळे नागरिकांमध्ये विश्वास वाढत असून कायदा व सुव्यवस्थेबाबत पोलीस सज्ज असल्याचा संदेश देण्यात येत आहे.
शांत, भयमुक्त मतदानासाठी नागरिकांना आवाहन
अकोला जिल्ह्यातील सर्व मतदारांनी भयमुक्त वातावरणात मतदानाचा हक्क बजवावा, कोणत्याही आमिषाला बळी न पडता मुक्तपणे मतदान करावे, असे आवाहन जिल्हा पोलीस प्रशासनाने केले आहे. निवडणुकीदरम्यान कोणताही आक्षेपार्ह प्रकार, गैरकृत्य किंवा संशयास्पद घटना दिसल्यास नागरिकांनी डायल ११२ वर तात्काळ माहिती देण्याचे आवाहन करण्यात आले आहे.
(हा मेसेज वेळात वेळ काढून वाचावा आणि इतरांच्या माहितीत भर पडावी म्हणून पुढे शेअर करावा. आयुर्वेदिक घरगुती उपाय व आरोग्य विषयक नवनवीन माहिती रोज आपल्या मोबाईल वर मिळवण्यासाठी खालील लिंकला टच करा व ग्रुप मध्ये join व्हा👇किंवा
9371854706
ह्या नंबर वर join me असा मेसेज करा.
👆👆👆👆👆👆👆👆
टिप्पण्या
टिप्पणी पोस्ट करा