खासदार व लोकसभेचे विद्यमान अध्यक्ष ओम बिर्ला यांना सदर गीत संग्रह भेट देण्यात आले. यावेळी शुभेच्छा देत त्यांनी विद्यार्थ्यांचे मनोबल उंचावणे हे उत्कृष्ट कार्य असल्याची प्रतिक्रिया श्री बिर्ला यांनी दिली.

डॉ रामप्रकाश वर्मा यांच्या 'शिखर नव छू लें' गीत संग्रहाचे कोटा येथे वितरण

विद्यार्थ्यांचे मनोबल उंचावणे उत्कृष्ट कार्य - लोकसभा अध्यक्ष ओम बिर्ला

अकोला / कोटा...

 भारतात प्रामुख्याने कोटा शहरात होणाऱ्या विद्यार्थ्यांच्या आत्महत्या खूप चिंतेची बाब असण्याच्या स्थितीमध्ये विद्यार्थ्यांचे मनोबल उंचविणाऱ्या डॉ. रामप्रकाश वर्मा यांच्या 'शिखर नव  छू लें' या गीतसंग्रहाचे कोटा येथे वितरण करण्यात आले. यावेळी सर्वप्रथम कोटा येथील खासदार व लोकसभेचे विद्यमान अध्यक्ष ओम बिर्ला यांना सदर गीत संग्रह भेट देण्यात आले. यावेळी शुभेच्छा देत त्यांनी विद्यार्थ्यांचे मनोबल उंचावणे हे उत्कृष्ट कार्य असल्याची प्रतिक्रिया श्री बिर्ला यांनी दिली. 

       तदनंतर सदर गीत संग्रह बंसल कोचिंग क्लासेसचे सीओ श्री समीर बंसल यांना देण्यात आले.  आपण या गीतांचे आपल्या आवाजात रेकॉर्डिंग पाठवावे ते आम्ही विद्यार्थ्यांना नियमित ऐकवू अशी प्रतिक्रिया देऊन ही काळाची गरज असल्याचे बंसल म्हणाले. रिझोलन्स कोचिंग क्लासेसचे अधिकारी किर्ती सिंग यांनी सदर गीत संग्रह चाळून  या मधील अनेक कविता आमच्या विद्यार्थ्यांमध्ये प्रसारित करू, त्यामुळे विद्यार्थ्यांमध्ये सकारात्मकता वाढेल, असे म्हटले. तर एच आर विभागाच्या अधिकारी डॉ निधी श्रीवास्तव यांनीही  सकारात्मक प्रतिसाद दिला. एलन कोचिंग क्लासेसचे  प्राचार्य  खुनेजा यांनी या गीत संग्रहाला प्रत्येक विद्यार्थ्यांपर्यंत पोहोचविण्याचा मानस व्यक्त केला. भारतेंदु परिषदचे कोटा येथील ज्येष्ठ पदाधिकारी व कोटा उपभोक्ता संचाचे अध्यक्ष श्री हरेकृष्णा बिर्ला यांनाही सदर पुस्तक देण्यात आले तेव्हा कोटा येथील वाचनालयात हा गीतसंग्रह देणार असल्याचे ते म्हणाले. 

      विद्यार्थ्यांच्या आत्महत्येला मोबाईल,  सोशल मीडिया,  ताण तणाव,  पालकांचा दबाव,  अशी विविध कारणे असली तरी विद्यार्थ्यांचे मनोबल कुंमकूवत होणे, हे एक महत्त्वाचे कारण असल्याचा सूर या क्षेत्रातील दिग्गजांनी काढला.  त्यात एकुण 70 गीतांचा संग्रह असलेला शिखर नव छू लें' हा गीत संग्रह विद्यार्थ्यांना, पालकांना आणि शिक्षकांना सतत ऊर्जा देऊन प्रेरणा देण्याचे काम करेल, असा आशावाद यावेळी संबंधितांनी व्यक्त केला. 

       सदर गीत संग्रहाचे वितरण वेळी डॉ.  रामप्रकाश वर्मा, ज्येष्ठ पत्रकार राजेश राजोरे खामगाव,  तसेच कोटा येथील सामाजिक कार्यकर्ते श्री गुप्ताजी उपस्थित होते.