•  सुखाची वृध्दि आणि दुःखाची संपूर्ण निवृत्ती करण्याचे सामर्थ्य वेदांमध्ये आहे

•  नाथशक्तिपीठाधीश प.पू. श्री नरेंद्रनाथ महाराजांचे प्रतिपादन

•  श्री प्रल्हादाश्रम वेद पाठशाळेचे उद्घाटन 

अकोला : सामान्यांचे सुखाची वृध्दि आणि दुःखाची संपूर्ण निवृत्ती करण्याचे सामर्थ्य वेदांमध्ये आहे. इतकेच नव्हे तर प्रत्येक मनुष्य मात्राच्या व्यक्तिमत्त्वाचा सर्वांगिण विकास वेद मंत्रांना सहज साध्य आहे, असे प्रतिपादन अध्यात्मयोग महर्षि नाथशक्तिपीठाधीश प.पू. श्री नरेंद्रनाथ महाराजांनी येथे केले. ते नाथशक्तिपीठ आणि श्री दत्त मंदिर जुने शहर अकोला यांच्या संयुक्त विद्यमाने सुरू करण्यात आलेल्या श्री प्रल्हादाश्रम वेद पाठशाळेच्या उद्घाटन प्रसंगी बोलत होते.  

        वेद हे सबंध जीवसृष्टीचे नियंत्रण आणि संचालन करीत असल्यामुळे वेदांच्या माध्यमातून भाग्याचे पुनरूज्जीवन शक्य आहे.  नाथशक्तिपीठ अकोला गेल्या ३२ वर्षांपाून वेदमंत्रांच्या माध्यमातून हे कार्य करीत आहे.  मात्र वेद मंत्रांच्या उपयोजनासाठी श्रीगुरुंना शरण गेल्याशिवाय अन्य कोणताही पर्याय नसल्याचे त्यांनी शेवटी म्हटले.

विवेक गोडबोले शास्त्री

वेदांचे विश्व खूप मोठे आहे ही जिज्ञासा भक्ती आहे चिरस्थायी अक्षरांचा समूह म्हणजे वेद आणि अक्षर हे ब्रह्म आहे. चारही वेदांचे कार्य स्वतंत्र आहे.  वेद हे विश्वव्यापी आहेत प्रत्येकाने याचा अभ्यास करावा असे आवाहन साताराचे वे. शा. संपन्न विवेक शास्त्री गोडबोले यांनी येथे केले.  

       नाथशक्तीपीठ आणि जुने शहरातील श्री दत्त मंदिर संस्थान यांच्या संयुक्त विद्यमाने  दुसऱ्या चतुर्वेद पाठशाळेचा शुभारंभ झाला यावेळी ते बोलत होते. 

        श्रीकांतशास्त्री गदाधर

       नाथशक्तीपीठाधिश पु.नरेंद्रनाथ महाराज यांनी 28 वर्षांपूर्वी  पहिल्या वेद पाठशाळेचा शुभारंभ केला.  त्यातून सुमारे 450 विद्यार्थी घडले.    ही दुसरी शाखा सुरू करताना विशेष आनंद होत असल्याचे श्रीकांतशास्त्री गदाधर यांनी प्रास्ताविकातून सांगितले. 

         सेवानिवृत्त न्यायमूर्ती बाळासाहेब मेहरे प्रमुख पाहुणे म्हणून उपस्थित होते डोळे मिटून जे दिसतं ते ज्ञान तर उघड्या डोळ्यांनी जे दिसतं ते विज्ञान वेद हेच विज्ञान आहे,  हे सर्वांनी समजून घ्यायला हवे असे विचार यावेळी मेहरे यांनी व्यक्त केले. 

      श्री गणेश यागाने  सकाळी आरंभ झाला.  दीपप्रज्वलन, फलकाचे अनावरण, दानदात्यांचा सत्कार यावेळी करण्यात आला.  सर्वांचे स्वागत संतोष जोशी यांनी केले.

     कार्यक्रमाचे संचालन प्रा गजानन कुळकर्णी यांनी केले.