•  आजचे संस्कार म्हणजे उद्याचे राष्ट्रनिर्माण 

– डॉ.संदिप चव्हाण यांचे चिंतन

संस्कार शिबिरात मुलींना जीवनशैली व नैतिकतेचे मार्गदर्शन

अकोला : बालाजी कॉन्व्हेन्ट, मलकापूर येथे श्री गुरुदेव सेवा मंडळाच्या वतीने सुरू असलेल्या बालिका सुसंस्कार शिबिरामध्ये डॉ.संदिप चव्हाण यांनी मुलींना योग्य दिनचर्येसोबत, पाण्याचे योग्य सेवन, सकाळपासून रात्रीपर्यंतची संतुलित दिनचर्या, आरोग्यदायी आहार याबाबत सविस्तर मार्गदर्शन केले. "आजचे संस्कार म्हणजेच उद्याचे राष्ट्रनिर्माण" हे त्यांनी त्यांच्या चिंतनातून अधोरेखित केले.

कार्यक्रमानंतर डॉ.संदिप चव्हाण यांनी उन्हापासून बचावासाठी डॉ.चव्हाण होमिओपॅथीच्या 'सनकुल' औषधाचे मोफत वाटप केले तर या शिबिरार्थीना आरोग्य सेवे करिता पुढील वर्षभराकरिता आरोग्यमित्र कार्ड दिले. 

कार्यक्रमाचे सूत्रसंचालन श्री. संजय वाघमारे, तर आभार प्रदर्शन संयोजक श्री. रामराव पाटेखेडे यांनी केले. या प्रसंगी प्रमुख पाहुणे म्हणून कार्यक्रमात अभंगकार श्री.प्रवीण हटकर, रेड क्रॉसचे डॉ.गजानन वाघोडे युवा उद्योजक श्री.पंकज राठी, श्री.अमोल गोंडचवर उपस्थित होते सोबतच श्री. भीमराव पाटेखेडे, श्री. भुजंगराव देशमुख, श्री. सचिन ढोले, श्री. वसंत सिंहे, श्री. देविदास गावंडे, श्री. वसंत भाकरे व इतर मान्यवरांची देखील उपस्थिती होती.

शिबिरामध्ये दररोज अभंग गायन, लाठी प्रशिक्षण आणि योगा अशा उपक्रमांद्वारे मुलींना शारीरिक, मानसिक आणि नैतिकदृष्ट्या सशक्त बनवण्याचे प्रशिक्षण दिले जात आहे विशेष बाब म्हणजे हे शिबिर केवळ मुलींसाठी आहे.

संस्कार शिबिरात मुलींना जीवनशैली व नैतिकतेचे