काँग्रेस निरिक्षक माजी आमदार सुभाष धोटे यांचा  जिल्हा दौरा

अकोला : 

  महाराष्ट्र प्रदेश काँग्रेस कमिटीचे प्रांताध्यक्ष यांच्या आदेशावरून अकोला जिल्ह्यातील पक्ष संघटनेच्या कार्याचा आढावा घेण्यासाठी माजी आमदार सुभाष धोटे यांची निरिक्षक म्हणून नियुक्ती करण्यात आली असून धोटे हे दि. ११ व १२ एप्रिल रोजी अकोला जिल्हा दौर्यायवर येणार आहेत.

शुक्रवार दि. ११ एप्रिल रोजी १.३० ते २.३० या वेळेत ते अकोला येथील स्वराज्य भवन येथे अकोला ग्रामिण जिल्हा काँग्रेस कमिटीची सभा घेणार असून दुपारी ३ ते ४ वा. अकोला महानगर जिल्हा काँग्रेस कमिटीची सभा घेणार आहेत. दुपारी ४ ते ५ दरम्यान ते अकोला महानगर जिल्हा ब्लॉकनिहाय पदाधिकार्यां शी पक्ष संघटनेबाबत चर्चा करणार आहेत.

शनिवार दि. १२ एप्रिल रोजी सकाळी १०.३० वा. सुभाष धोटे यांची कृषी उत्पन्न बाजार समिती अकोट येथे सभा होणार आहे. ही सभा अकोट ग्रामिण व शहर तसेच तेल्हारा ग्रामिण व शहर कार्यकर्ते व पदाधिकारी यांच्याकरीता आयोजित केली आहे.

दुपारी २ ते ३ वा. बाळापूर व पातुर शहर व ग्रामिण कार्यकर्ते व पदाधिकारी यांच्याकरीता सभा घेणार असून ही सभा ग्रामपंचायत हॉल, शेळद, अकोला नाका बाळापूर येथे आयोजित केली आहे.

दुपारी ४ ते ५ वा. कृषी उत्पन्न बाजार समिती बार्शिटाकळी येथे बार्शिटाकळी व मूर्तिजापूर ग्रामिण व शहर कार्यकर्ते व पदाधिकारी यांना सभेमध्ये संबोधीत करणार आहेत.

या संपूर्ण दौर्याात ते जिल्ह्यातील सर्व ब्लॉक काँग्रेस कमिटीचे अध्यक्ष, नेते मंडळी, पदाधिकारी व कार्यकर्ते यांच्याशी चर्चा करणार आहेत. तरी प्रत्येक सभास्थळी जिल्ह्यातील काँग्रेस पक्षाचे सर्व प्रमुख नेते, पदाधिकारी, प्रदेश प्रतिनिधी, जिल्ह्यातील आजी माजी आमदार व खासदार, २०२४ च्या लोकसभा व विधानसभा निवडणुकीतील उमेदवार, विविध आघाडी, विविध विभाग व सेलचे पदाधिकारी, ब्लॉक, तालुका व शहराचे अध्यक्ष तसेच काँग्रेस पक्षाचे कार्यकर्ते यांनी मोठ्या संख्येने उपस्थित राहावे असे आवाहन काँग्रेस पक्षाचे जिल्हाध्यक्ष अशोक अमानकर यांनी केले आहे.