•  गृहअर्थशास्त्र विभागाच्या वतीने बेसिक ग्रेव्ही मेकिंग कार्यशाळा 

 अकोला : स्थानिक शंकरलाल खंडेलवाल महाविद्यालयात गृहअर्थशास्त्र विभागाच्या वतीने एकदिवसीय बेसिक ग्रेव्ही मेकिंग कार्यशाळेचे आयोजन करण्यात आले होते. याप्रसंगी प्रमुख अतिथी म्हणून शिक्षण प्रसारक मंडळ अकोलाच्या सदस्य रेखाताई खंडेलवाल, मनालीताई गुप्ता उपस्थित होत्या. यावेळी व्यासपीठावर प्राचार्य डॉ. जगदीश साबू, कलाशाखा प्रमुख प्रा.डॉ. शिवाजी नागरे, डॉ. आरती देशपांडे, डॉ.अरुण शेळके यांची उपस्थिती लाभली. या कार्यशाळेत कला शाखेच्या विद्यार्थ्यांनी डॉ. प्रिया आंदुलकर, प्रा.पूजा गावंडे यांच्या मार्गदर्शनात तीन वेगवेगळ्या रंग प्रकारात बेसिक ग्रेव्ही बनविण्याचे प्रशिक्षण घेतले. 

     विद्यार्थ्यांनी बनविलेल्या ग्रेव्ही ची स्पर्धा यावेळी संपन्न झाली. शेवटी बक्षीस वितरण समारंभात मनालीताई गुप्ता यांनी विद्यार्थिनींना किचन रेसिपीज याविषयी मार्गदर्शन केले. त्यात त्यांनी विद्यार्थिनींनी क्लाऊड किचन या संकल्पनेमध्ये स्वतःला ऑनलाईन रजिस्टर केले पाहिजे. जेणेकरून घरी बसून आपण विविध पदार्थ बनवून ते लोकांपर्यंत पोहोचवू शकतो. हा व्यवसाय मोठमोठ्या शहरांमध्ये खूप मोठ्या प्रमाणात सुरू झाला आहे. या माध्यमातून आपल्याला चांगली मिळकत करता येऊ शकते असे प्रतिपादन केले. रेखाताई खंडेलवाल यांनी सुद्धा विद्यार्थीनीना मार्गदर्शन केले. प्राचार्य डॉ.जगदीश साबू यांनी विद्यार्थीनीना हायजिनिक पदार्थ बनवून आपण आपल्या कुटुंबाचे स्वास्थ उत्तम राखू शकतात, असे सांगितले. कार्यक्रमाचे प्रास्ताविक व आभार डॉ.शिवाजी नागरे यांनी केले. यावेळी सर्व विद्यार्थ्यांना प्रमाणपत्राचे वितरण करण्यात आले. कार्यक्रमाला विद्यार्थी, शिक्षक बहुसंख्येने उपस्थित होते.