•  शंकरलाल खंडेलवाल महाविद्यालयात पदवी वितरण समारंभ

       🔶🔴🔵⚫🔳🔷🔘🔶🔴🔵⚫🔳🔷🔘

अकोला :स्थानिक शंकरलाल खंडेलवाल महाविद्यालयात संत गाडगेबाबा अमरावती विद्यापीठ अमरावतीच्या वतीने पदवी वितरण समारंभ संपन्न झाला. या कार्यक्रमाच्या अध्यक्षस्थानी प्राचार्य जगदीश साबू होते. यावेळी प्रमुख अतिथी म्हणून डॉ वसुधा देव, माजी प्राचार्य शासकीय अध्यापक महाविद्यालय अकोला उपस्थित होत्या. 

यावेळी व्यासपीठावर डॉ. शिवाजी नागरे,डॉ. प्रसन्न पांडे, डॉ. अर्चना खंडेलवाल, श्री निशिकांत देशपांडे उपस्थित होते.

      सरस्वती वंदना डॉ.आरती देशपांडे यांनी सरस्वती स्तवन केले. समारंभात कला, वाणिज्य, विज्ञान, बीसीए व पदव्युत्तर विभागातील पदवी प्राप्त विद्यार्थ्यांना पदवीचे मान्यवरांच्या हस्ते वितरण करण्यात आले. यावेळी मार्गदर्शन करताना डॉ वसुधा देव यांनी प्रतिपादन करताना विद्यार्थ्यांनी चेतनेचे जागरण करावे. आई-वडिल, गुरूजन यांचा मान ठेवून मार्गक्रमण करावे. जीवनात ध्येय व कार्यनिष्ठा बाळगुन प्रत्येक क्षण समाजासाठी, देशासाठी खर्च करावा व राष्ट्रनिर्माण करावे. आज आर्टिफिशियल इंटेलिजन्सचे युग आहे. त्यामुळे प्रत्येक विद्यार्थ्यांने पॅशन, स्किल प्राप्त करावे. स्वतःवर विश्वास आनंद प्राप्त करावा. जीवनमूल्ये बाळगून सत्याच्या मार्गावर चालावे असे प्रतिपादन केले. प्राचार्य डॉ जगदीश साबू यांनी विद्यार्थ्यांना प्रतिज्ञा दिली.

       कार्यक्रमाचे संचालन व आभार प्रदर्शन डॉ डिंपल मापारी यांनी केले.कार्यक्रमाला विद्यार्थी, शिक्षक व शिक्षकेत्तर कर्मचारी उपस्थित होते.

      🔶🔴🔵⚫🔳🔷🔘🔶🔴🔵⚫🔳🔷🔘