माजी आमदार स्व. तुकारामजी बिडकर स्मृती

•  खेळ विद्यार्थ्यांना सर्वगुणसंपन्न बनवितात. : अमोल मिटकर

•  युवकांनी क्रीडा कौशल्ये आत्मसात करावे : अॕड किरणराव सरनाईक

अकोला : माजी आमदार स्व. तुकारामजी बिडकर स्मृती प्रित्यर्थ कबड्डी असोसिएशन अकोला जिल्हाचे विद्यमाने आयोजित राज्यस्तरीय कबड्डी (किशोर गट) स्पर्धेचे उदघाट्न विधानपरिषद सदस्य  अमोल मिटकरी यांचे हस्ते संपन्न झाले, प्रसंगी कार्यक्रमाचे अध्यक्षस्थानी हनुमान ग्रामविकास प्रतिष्ठान चे कार्याध्यक्ष प्रकाश बिडकर होते तर प्रमुख अतिथी सर्वश्री आमदार किरण सरनाईक,विदर्भ कबड्डी असोसिएशन चे अध्यक्ष सतीष निखार, विदर्भ सचिव प्रदीप ठाकूर,जिल्हा सचिव सुभाष तायडे, जिल्हा क्रीडाधिकारी सतीश्चंद्र भट,चित्रपट निर्माती राधाताई बिडकर, चित्रपट अभिनेत्री तथा बॉक्सर काजल राऊत, कबड्डी असोसिएशन अकोला चे अध्यक्ष शत्रुघ्न बिडकर, अमरावती शिक्षण मंडळाचे माजी सदस्य प्रा. सदाशिव शेळके, दिपक बिरकड, शिवसेना युवा नेते योगेश अग्रवाल आदींची उपस्थिती होती.

       यावेळी,बोलतांना खेळाचे कौशल्य मुलांना सर्वागुणसंपन्न, निर्णयक्षम आणि सक्षम पिढी घडविण्यासाठी उपयुक्त ठरतात असे प्रतिपादन स्पर्धेचे उदघाटक अमोल मिटकरी यांनी केले तर विद्यार्थ्यांनी खेळात नैपुण्य मिळवून सदर क्षेत्रात भरारी घेण्याचे आवाहन शिक्षक आमदार ऍड किरणराव सरनाईक यांनी केले.प्रसंगी जिल्हा क्रीडा अधिकारी सतीश्चंद्र भट,अभिनेत्री काजल राऊत, प्रदीप ठाकूर, आदींनी विचार व्यक्त केले.

         राज्यस्तरीय कबड्डी (कुमार गट) स्पर्धेसाठी विदर्भातून गडचिरोली, चंद्रपूर, नागपूर, गोंदिया, वर्धा,अकोला, बुलडाणा, वाशिम, यवतमाळ, अमरावती आदी जिल्ह्यातील  संघ व प्रशिक्षक दाखल झाले असुन त्यांचे जंगी स्वागत आयोजकांनी केले. 

          स्पर्धा यशस्वीतेसाठी जिल्हा कबड्डी असोसिएशन चे सर्वश्री प्रमोद वानखडे, गजेंद्र काळे, राजेंद्र जळमकर, विश्वास रायबोले, देविदास जवंजाळ, अर्जुन पवार, सिद्धार्थ सिरसाट, नितीन सपकाळ, पवन कुलकर्णी, मुन्ना गौरी तसेच प्राचार्य विलास इंगळे,दिनकर धामणकर, विजय इंगळे,प्रा विजय उजवणे,बबलु तायडे, प्रा कैलास देवबाले, संजय मैद, जगतजीवन पल्हाडे,चक्रधर राऊत, ऋषभ उमाळे, नारायण नवलकर, राजु राठोड,अनिल मालगे, प्रा.अशोक भराड, अक्षय शिनगारे, अंबादास नागे, राजु दहापुते, आदिसह पंच मंडळी, जय बजरंग परिवार व क्रीडाप्रेमीनी सहकार्य केले.

      कार्यक्रमाचे प्रस्ताविक अकोला जिल्हा कबड्डी असोसिएशन चे अध्यक्ष शत्रुघ्न बिडकर यांनी, सूत्रसंचालन गजेंद्र काळे यांनी केले तर आभारप्रदर्शन राजेंद्र जळमकर यांनी केले.कबड्डी स्पर्धा पाहण्यासाठी अकोल्यातील क्रीडाप्रेमीची विशेष उपस्तिथी होती.स्पर्धेसाठी पंच म्हणून सर्वश्री विजय मोटघरे खुशाल सेवक, पांडुरंग चौधरी, गोविंदा पाल, किसन सोनटक्के, निखिल घुडे, पुरंदास खोबे, संदीप पाचोडे, किरण कोहळे, आनंद पेंटे, रक्षा मालिये, मुभा तुमडे आदिसह त्यांचे सहकारी काम पाहत आहेत.