देशाच्या जडणघडणीमध्ये विद्यार्थ्यांचा वाटा असावा

•    :  डॉ. ताराताई  हातवळणे यांचा विद्यार्थ्यांना उपदेश

•  इन्शुरन्स इसेन्शियल सेक्युरिंग टुमारो, टुडे" या विषयावर वाणिज्य विद्या शाखेच्यावतीने कार्यशाळा संपन्न 

अकोला : 

स्थानिक शंकरलाल खंडेलवाल महाविद्यालय येथे  6 मार्च 2025 रोजी "इन्शुरन्स इसेन्शियल सेक्युरिंग टुमारो, टुडे" या विषयावर पीएम उषा योजने अंतर्गत वाणिज्य विद्या शाखेच्या वतीने कार्यशाळा संपन्न झाली. या कार्यशाळेच्या अध्यक्षस्थानी शिक्षण प्रसारक मंडळ अकोला  डॉ. ताराताई हातवळणे अध्यक्ष म्हणून लाभल्या होत्या. 

       या कार्यशाळेला प्रथम सत्रामध्ये  प्रमुख अतिथी तथा प्रमुख मार्गदर्शक म्हणून डॉ.एस.टी आनासने (मुख्य प्रबंधक एलआयसी कार्यालय अकोला.) आणि द्वितीय सत्रामध्ये परमेश्वर दुर्गे  (प्रोडक्ट मॅनेजर एलआयसी कार्यालय अमरावती ) मार्गदर्शक म्हणून लाभले होते.

 डॉ. एस टी अनासने सरांनी या कार्यशाळेमध्ये विद्यार्थ्यांना विम्याचा इतिहास, विम्याचे महत्त्व आणि विम्याचे विविध प्रकार आपल्या मार्गदर्शनातून विषद केले.  तर दुसऱ्या सत्रामध्ये विद्यार्थ्यांना विमा क्षेत्रामध्ये विविध नोकरीच्या संधी या विषयावर उद्घोधन केले. 

      अध्यक्षा डॉ. ताराताई  हातवळणे  यांनी अध्यक्षीय भाषणात विद्यार्थी हा राष्ट्राचा विकासाचा पाया आहे. म्हणून विद्यार्थ्यांनी राष्ट्र विकासात  समाज उपयोगी क्षेत्राचा अभ्यास करून देशाच्या जडणघडणीमध्ये  विद्यार्थ्यांचा वाटा  असावा, असा उपदेश दिला. या कार्यशाळेचे प्रास्ताविक प्रा.सुमेध कावळे तर सूत्रसंचालन  सुरभी धाबेकर या विद्यार्थिनी केले. या कार्यशाळेला महाविद्यालयाचे प्राचार्य डॉ.जगदीश साबू आणि वाणिज्य विद्या शाखेचे डॉ.अर्चना खंडेलवाल (कार्यशाळा समन्वयक)  डॉ. नमिता कोलते प्रा. प्रसाद दशरथ  प्रा. गौरी सूर्यवंशी प्रा. साक्षी जोशी प्रा. रजनी गांधी प्रा.  दीपिका रत्नपारखी प्रा. केंदरकर सर व सर्व वाणिज्य विद्याशाखेचे विद्यार्थी उपस्थित होते, कार्यक्रमाचे आभार डॉ. पियुष नाल्हे सर यांनी केले समारोपिये  कार्यक्रमाची सांगता राष्ट्रगीताने झाली.