नाथपंथीय समाजाच्या वतीने मागणी

 

•  गंगानाथ आर्थिक विकास महामंडळाच्या नावामध्ये बदल करून गुरू गोरक्षनाथ आर्थिक विकास महामंडळ हे नाव द्यावे

•   नाथपंथीय समाजाच्या वतीने मागणी

अकोला : 

युवा नाथ संघटना महाराष्ट्राच्या वतीने  मुख्यमंत्री देवेंद्र फडणवीस  यांना गंगानाथ आर्थिक विकास महामंडळाच्या नावामध्ये बदल करून  गुरू गोरक्षनाथ आर्थिक विकास महामंडळ हे नाव द्यावे याबाबत  जिल्हाधिकारी अकोला यांच्या मार्फत निवेदन देण्यात आले.

      राज्यातील नाथपंथीय समाजाची आर्थिक उन्नती व्हावी यासाठी कार्यरत असलेल्या वसंतराव नाईक विमुक्त जाती व भटक्या जमाती विकास महामंडळा अंतर्गत आर्थिक विकास महामंडळ स्थापन करून दिल्याबद्दल शासनाने मान्यता दिली, त्याबद्दल शासनाचे मनःपूर्वक आभार मानले. सदरचे महामंडळ परमपूज्य गंगनाथ महाराज आर्थिक विकास महामंडळ या नावाने आपण दिले आहे. परंतु नाथपंथीय समाजाचे गुरु व आराध्य दैवत गोरक्षनाथ हे आहेत नाथपंथी समाजाच्या वतीने आपणास मागणी करण्यात येते की या महामंडळाला गुरु गोरक्षनाथ यांचे नाव देऊन शासन निर्णय क्रमांक महाम/ २०२४/ ८०.प्रक्र/ महामंडळे या शासन निर्णयाचे शुद्धिपत्रक काढून त्या महामंडळाला गुरु गोरक्षनाथ आर्थिक विकास महामंडळ हे नाव द्यावे, ही मागणी  युवा नाथ संघटना महाराष्ट्रच्या संस्थापक अध्यक्ष राहुल इंगळे  यांनी जिल्हाधिकारी अकोला यांच्या मार्फत मुख्यमंत्री यांना दिलेल्या निवेदनातून केली आहे. 

     यावेळी श्री स्वप्नील पाठक (सचिव) श्री गजानन नाथजी इंगळे (नाथ समाजसेवक) श्री नागेश जाधव (कार्याध्यक्ष)  श्री गणेश चिलीवंत (संचालक) डॉ प्रेमनाथजी सुरंसे  श्री.गजानन शिंदे श्री चंद्रकांत पाटील श्री शुभम पवार सौ कल्पना ताई शिंदे श्री आदित्य इंगळे श्री चिराग इंगळे व इतर नाथपंथीय हजर होते.