••  ईपीएफ-९५ पेन्शनरांनी केंद्र सरकारच्या निषेधार्थ घंटानाद आंदोलन करुन नोंदविला निषेध 

अकोला :- आज ई. पी. एस ९५ पेन्शनरांनी केंद्र सरकारच्या निषेधार्थ लोकशाही मार्गाने घंटानाद आंदोलन करुनआपल्या मागण्यांचे निवेदन आयुक्त भविष्य निर्वाह निधी कार्यालय अकोला यांना सादर केले. आंदोलनात यवतमाळ, पुसद, उमरखेड, वाशीम, बुलढाणा व अकोला येथील पेन्शनरांनी भाग घेवून    आंदोलन यशस्वी केले.

       आंदोलनाला मार्गदर्शन करतांना यवतमाळ येथील परिवहन संघटनेचे सचिव श्री. डि के. भगत, यांनी आपल्या ओघवत्या वाणीतून वस्तुस्थितीला धरुन योग्य मार्गदर्शन केले. पुसद येथील ओमप्रकाश चौधरी, उमरखेड येथील के. पी. मुळे यांनी सरकारवर आसूड ओढत यथोचीत मागदर्शन केले. अध्यक्ष देवराव पाटील यांनी सांगितले की, गेली पंधरा वर्षे संघटनेतर्फे आपल्या मागणी करीता रेल रोको, जेल भरो धरणे आंदोलन तसेच रस्ता रोको असे विविध प्रकारचे आंदोनले करुन आपल्या पेन्शन वाढीकरीता प्रयत्न केले. परंतु केंद्र सरकारने नकारात्मक भुमिका घेवुन वेळ काढु धोरण स्विकारले. वास्तविक पाहता आमचे व्याज जरी पेन्शनरांना वितरीत केले तर अवसतन १५९२.४५ येते सन २०२२-२३ मध्ये पेन्शन निधीवर केवळ व्याज ५१९८५.८२ करोड रुपये जमा झाले. परंतु पेन्शनरांना केवळ १४४४४.६० करोड वाटल्या गेली. ही रक्कम जमा झालेल्या व्याजाच्या केवळ २८% आहे. त्यावर्षी पेन्शन घेणाराची संख्या ७५,५८,९१३ होती. जर पुर्ण व्याज पेन्शनरांना पेन्शन म्हणुन दिली असती तर अवसतन ५७३१.४५ मिळाली असती. यामुळे येणारे व्याज व वाटण्यात येणारी रक्कम यात खुप मोठी तफावत आहे. अशी परीस्थिती असतांना ईपीएफओ ऑफीस पेन्शन फंड घाटयात आहे. हे नेहमीच रडगाणं गात असते. आणि केंद्र सरकार त्याला सहकार्य करते. त्यामुळे पेन्शनरांना पेन्शन न वाढण्यात ईपीएफओ ऑफीस जबाबदार आहे. केंद्र सरकार सुध्दा कामगार विरोधी असुन  त्यामुळे हे सरकार पुर्णपणे कामगार व ज्यांनी देशाला अन्नधान्याच्या बाबतीत आत्मनिर्भर केले त्या कास्तकाराच्या सुध्दा विरोधात काम केले. ही निषेदार्ह बाब असल्याचे पाटील यांनी आपल्या भाषणात प्रतिपादन केले

     आंदोलन यशस्वी करण्याकरीता अकोला, अकोट तेल्हारा, बाळापुर पातुर येथील पेन्शनरानी महत्वपुर्ण भुमिका बजावली. संचालन रमेश गायकवाड तर आभार प्रदर्शन गोपाल मांडेकर यांनी केले. 

     यवतमाळ, पुसद, उमरखेड वाशीम बुलढाणा येथील कार्यक्रमात सहभागी झालेल्या पेन्शनरांची विशेष आभार मानले.