शासनाचा महत्त्वपूर्ण निर्णय; महसूल विभागाचा आदेश निर्गमित

     अकोला महानगरासाठी      स्वतंत्र अपर तहसील             कार्यालयास मंजुरी

   आमदार रणधीर सावरकर यांनी मानले    मुख्यमंत्री व महसूलमंत्र्यांचे आभार

 शासनाचा महत्त्वपूर्ण निर्णय;   महसूल विभागाचा आदेश निर्गमित

अकोला : अकोला महानगरपालिका क्षेत्रासाठी स्वतंत्र अपर तहसील कार्यालय स्थापन करण्यास अखेर शासनाने मंजुरी दिली असून, यासंदर्भातील आकृतीबंधालाही हिरवा कंदील मिळाला आहे. महाराष्ट्र शासनाच्या महसूल व वन विभागाने २ एप्रिल २०२६ रोजी शासन निर्णय जारी करून या महत्त्वपूर्ण निर्णयावर शिक्कामोर्तब केले आहे.

     अकोला तहसील कार्यालयाच्या पुनर्रचनेद्वारे महानगरपालिका क्षेत्रासाठी स्वतंत्र अपर तहसील कार्यालय निर्माण करण्याची मागणी आमदार रणधीर सावरकर यांनी सातत्याने लावून धरली होती. 

        यासाठी त्यांनी राज्याचे मुख्यमंत्री देवेंद्र फडणवीस तसेच महसूल मंत्री चंद्रशेखर बावनकुळे यांच्याकडे पाठपुरावा केला होता. अखेर शासनाने सकारात्मक निर्णय घेतल्याने या मागणीला यश आले आहे. 

       अकोला तालुका हा जिल्ह्यातील सर्वात मोठा तालुका असून त्यात शहरी व ग्रामीण असे दोन्ही भाग समाविष्ट आहेत. अकोला महानगरपालिका क्षेत्रासह एकूण २०३ महसूल गावे या तहसील कार्यालयाच्या कार्यक्षेत्रात येतात. २०११ च्या जनगणनेनुसार ग्रामीण लोकसंख्या सुमारे २ लाख ३३ हजार ७४८ असून महानगरपालिका क्षेत्रातील लोकसंख्या ५ लाखांपेक्षा अधिक आहे. 

  ‌‌  त्यामुळे वाढत्या कामकाजाच्या पार्श्वभूमीवर स्वतंत्र अपर तहसील कार्यालयाची गरज निर्माण झाली होती. सद्यस्थितीत अकोला तहसील कार्यालयातून शहरी व ग्रामीण अशा दोन्ही भागांचे कामकाज हाताळले जात असून संजय गांधी निराधार योजना, निवडणूक विभागासह चार विधानसभा मतदारसंघांचे काम येथे चालते. त्यामुळे कामाचा प्रचंड ताण लक्षात घेता महानगर क्षेत्रासाठी स्वतंत्र कार्यालय उभारण्याची मागणी जोर धरत होती. 

   ‌    आता शासनाने मंजुरी दिल्यामुळे अकोला महानगरातील नागरिकांना महसुली कामांसाठी स्वतंत्र सुविधा उपलब्ध होणार असून विविध दाखले व इतर कामे जलदगतीने पूर्ण होण्यास मदत होणार आहे. तसेच नव्या कार्यालयासाठी भव्य इमारत व स्वतंत्र कक्ष व्यवस्थाही उभारली जाणार आहे. 

        या निर्णयाबद्दल आमदार रणधीर सावरकर यांनी अकोला शहर व तालुक्यातील नागरिकांच्या वतीने मुख्यमंत्री देवेंद्र फडणवीस व महसूल मंत्री चंद्रशेखर बावनकुळे यांचे मनःपूर्वक आभार व्यक्त केले आहेत.

                  ००००००

SUPER NEWS 24    

विजय द. केंदरकर, ज्येष्ठ पत्रकार

                  संवाद : 9371854706

        महत्वपूर्ण सकारात्मक बातम्या व आंतरराष्ट्रीय बातम्या, स्पर्धा परीक्षा, IAS मिशन, शिक्षण, साहित्य, अध्यात्म, राशीभविष्य, कलावंत, चित्रपट, नाटक, संगित, माहितीपूर्ण लेख, धार्मिक, निसर्ग पर्यटन, तंत्रज्ञान, आरोग्य, वित्त, जीवनशैली, प्रवास, फॅशन, खाद्य, तंत्रज्ञान, विशिष्ट छंद, आयुर्वेद, भ्रमंती सतत नाविन्यपूर्ण माहिती मिळविण्यासाठी ...

Follow this link to join my WhatsApp group or contact 9371854706

https://chat.whatsapp.com/GTb19FbwSXr0SMaDJdKAvc