भारतामधील 22 राज्यांमध्ये ही संघटना कार्यरत असून नागपूर व छत्रपती संभाजी नगर येथे सुमारे चार कोटी रुपयांचे प्रशिक्षण सभागृह या संघटनेच्या वतीने बांधण्यात आले आहे.

.    भारतातील २२ राज्यात कार्यरत

घरगुती महिला कामगारांच्या समस्या सोडविण्यासाठी अकोला जिल्हा संघटनेची स्थापना

अध्यक्षपदी अरुणा लबडे तर सचिवपदी सोनाली मोरे 

       अकोला :  दिवसेंदिवस घरेलू महिला कामगारांच्या समस्या वाढत असून त्यांच्या या समस्या सोडविण्यासाठी तसेच विविध शासकीय योजनांचा लाभ त्यांना मिळवून देण्याच्या हेतूने घरेलू कामगार संघटनेची स्थापना करण्यात आली आहे. या संघटनेची अकोला जिल्हा कार्यकारिणी तयार करण्यात आली असून अध्यक्षपदी अरुणा संतोष लबडे यांची तर सचिव पदावर सोनाली योगेश मोरे यांची निवड करण्यात आली आहे.

       सोनाली मोरे व अरुणा लबडे या विविध महिला संघटनांमध्ये कार्यरत असून महिलांच्या समस्या सोडविण्यासाठी त्या नेहमीच अग्रेसर असतात.

        स्वतंत्र मजदूर युनियनच्या वतीने असंघटित क्षेत्रातील घरगुती कामगारांची एक महत्त्वपूर्ण बैठक नुकतीच आयोजित करण्यात आली होती. त्यात या जिल्हा कार्यकारिणीची घोषणा करण्यात आली. याप्रसंगी महाराष्ट्र राज्याचे जनरल सेक्रेटरी गणेश उके, सहसचिव दिनेश बोरकर, कार्यकारी सदस्य दादाराव तायडे, पद्माकर वासनिक आदी पदाधिकारी प्रामुख्याने उपस्थित होते.

            अकोला जिल्हा संघटनेच्या कार्यकारणीत पुढील प्रमाणे नियुक्त्या करण्यात आल्या आहेत. उपाध्यक्ष हर्षदा खंडारे, सहसचिव प्रगती देशमुख, सीमा लबडे, कोषाध्यक्ष सुनिता कंकाळ, सल्लागार गोरा नरेलू यांच्यासह सदस्य पदावर वंदना कांबळे, कल्पना अंसावर, अंबिका इंगळे, मनीषा गायकवाड, वैशाली भिवटकर, ज्योती पवार, यांची निवड करण्यात आली आहे.

        सुनिता जाधव यांची मुर्तीजापुर तालुकाप्रमुख म्हणून तर सविता चव्हाण यांची बार्शीटाकळी तालुका प्रमुख पदावर नियुक्ती करण्यात आली आहे. 

       भारतामधील 22 राज्यांमध्ये ही संघटना कार्यरत असून नागपूर व छत्रपती संभाजी नगर येथे सुमारे चार कोटी रुपयांचे प्रशिक्षण सभागृह या संघटनेच्या वतीने बांधण्यात आले आहे. जास्तीत जास्त कामगारांनी या संघटनेचे सदस्य होऊन देशातील बहुजन समाजातील कष्टकरी कामगारांनी या युनियन ची ताकद वाढवावी व आपल्या समस्या सोडविण्यासाठी एक शक्तिशाली व्यासपीठ निर्माण करावे असे आवाहन अध्यक्षा अरुणा लबडे व सचिव सोनाली मोरे यांनी केले आहे.            बिल्डिंग पेंटर, बांधकाम व इतरही असंघटित मजूर संघाचे अध्यक्ष प्रशांत मेश्राम यांचे मार्गदर्शन या संघटनेच्या कार्यासाठी लाभणार आहे.

--------------------------------------------